دمعة قهر وحسرة تنذرف في لحظة الم ..
وقت ما تكتشف انك عند من عشقته عدم ...
ارتشفت القسوة والصد لكني علم ...
ما ينتكس من لحظة جفا لو الغالي لي ظلم..
يا شينها لا صرت بدنيتك مظلوم ... والصد.. الوليف اتخذ منه وسيلة
العلم الصحيح عند ربــي ومعلوم ... ان الغلا لك والوفا وما من حيلـة
ماني براجي وصالك دايم الدوم ... دامك تبنيت الشك وصرت من يعيله
يا ملاذ الروح ما خنت لا تجي وتلوم ... ولا خير في خل(ن) يخون خليله
وجدي على من له الخافق يروم ... ليته عطاني اسباب واضحة جليلة
مدري انا غلطان ولا القدر محتوم ... اني افارق من له العين تبكي ذليلة
محروم انا من شوفه أي والله محروم ... واكتم العبرة واردد باللحن مقيله
والقلب من بعد عينك خاوي و مكلوم ... دوم الغلا لك والروح بحقك قليلة
تبي تجرحني؟ اجرح واترك القلب مهموم ... احبك ثم احبك والغلا بقلبي بشيله
ودامك على البعد ناوي والقلم مثلوم ... كل(ن) بدربه يمشي بحال سبيله
مخرج..
لو كنت أقسى إنسان ...يا قلبي احبك
ولو كنت تجرح الكيان ...يا منوتي احبك
بس الله يجازي هالزمان ... اللي بلاني بحبك
وللممات ووقت الدفان ... يا عمري أعزك
السموحة على الابيات ان لم تكن موزونة وهذه مقدرتي في الكتابة واتمنى ان تتقبلوها ببساطتها واخطائها وكسورها.. هو بالنهاية شعور اجتاح الفكر واحببت ان اترجمه على الورق..
موضوع: الغلا لكـ 
الأحد سبتمبر 06, 2009 11:00 am
